كان يا ما كان وحد السلطان عندو طفلة عgونة-متهدرش-دار اعلان فالبلاد اللي يقدر يهدرلو بنتو يزوجهالو ويولي سلطان
جا وحد الكيلو دجايز دخل عند الخضار
الكيلو:ضياف ربي.....
الخضار:مرحبا بيك
دخل الكيلو عند الخضار كلا وشرب واش كتب ربي وكي جا خارج شاف الإعلان
الكيلو:واش راه يقول هاد الإعلان يا الخضار
الخضار:راه كاين وحد الطفلة متهدرش عند السلطان واللي يقدر يهدرها راهي تتزوج بيه ويولي سلطان
.....راح السيد(الكيلو)عند قصر السلطان ودقدق الباب ......خرج البواب
البواب:جيت باش تموت السلطان راهو يحوس عليك على جال الشراب والكيف والزطلة اللي درتهم فالبلاد
الكيلو:خليني نشوف السلطان
فات الكيلو عند السلطان
السلطان: هاذي مدة وانا نحوس عليك واليوم جيت برجليك للموت
الكيلو: يا سي السلطان انا جيت على جال الإعلان اللي راه فالبلاد
السلطان:لوكان ندريك تهدرلي بنتهي نعطيك مالي ونرجعك سلطان وإذا مقدرتش راني نقتلك
الكيلو:انا عندي شرط
السلطان:قول وشنو هو شرطك
الكيلو :ديرني انا والطفلة في دار فيها طابلة وزوج كراسة وشمعة
قام السلطان بتنفيذ الشرط
.....دخل الكيلو على الطفلة صابها وردة
الكيلو:خير يا بنت سيدي لكبير نهدر ولا نسكت .....سكتت الطفلة
الكيلو:نحكيلك ولا تحكيلي......سكتت الطفلة
الكيلو قعد يشوف فالشمعة وقال:انا نحكيلك
جبد الكيلو الكيف ودور واحد....قلها يل الشمعة كاين وحد الإنسان رايح يموت وخلى وصية لولادو فيها سر ديال كنز في غابة .....مات الشيخ والاولاد دجوزو يامات وراحو للغابة ...وقالها دوك وين رانا؟سكتت الطفلة قالها رانا فالغابة و الاولاد كل واحد واش يخدم واحد رسام,واحد نقاش,واحد خياط
راحو يحوسو على الكنز تفرقو فالغابة ودارو بلاصة يتلاقاو فيها .......حوسو لولاد ما صابو والو تلاقاو فالبلاصة اللي تفاهمو عليها دارو القرعة على وشكون يبات يعس فاليل طاحت عند الرسام ,الرسام وهو عساس حكم لوحة ورسم إمرأة وغدوة من هداك راحو يحوسو على الكنز ...قالها ودوك وين رانا؟سكتت الطفلة
قالها راحو يحوسو على الكنز ماكانش تلاقاو في بلاصتهم عاودو القرعة طاحت عند النقاش ,النقاش وهو عساس شاف اللوحة ونقش فالرسمة ملامح ديال المرا(إمرأة)وغدوة كيف كيف راحو يحوسو ماصابوش رجعو يباتو فهاديك البلاصة ...قعدت دالت الخياط باش يعس,الخياط وهو عساس شاف الوحة كانت عندو مشوارة ولبرة ديال لخياطة خيط روبة وصباط ....هاديك اللوحة تصورت مرا شابة بزاااف ودابزو عليها الخاوة كل واحد يقول نتزوج بيها انا
....راخو عند القاضي وكل واحد واش يقول زعف القاضي ناض وخرج .........
قاتلو الطفلة: وشكون تزوج بيها
قالها:انااااااااااااااااااااااااااااااااااا
موضوع: حكاية الكيلو 
2008-09-05, 02:55
